السبت، 6 نوفمبر 2010

نلاحي الورق الشاعرة انكسارات النخيل ظبية المهندي

مساؤكم فرح وسعاده
بداية ألتمس منكم العذر للغياب وأتمنى أن تكون عودتي بهذه المتواضعة
قد شرفتني بكسب ولو القليل من رضاكم


(نلاحي الورق)
تعبنا من الصبر يا سامعينا
ونال الهم منا ما شكينا
وطعنا الوقت يوم الوقت عيا
يجي في صفنا يوم ابتلينا
على صكات بقعا كم صبرنا
وكم من جورها حنا بكينا
كتمنا همنا نخشى الشماته
نخاف من العواذل لو حكينا
نداري خاطر الغالين وإحنا
تشل صدورنا همن دفينا
تعلمنا نكن الجرح عنهم
ويا ما لأجل خطرهم عنينا
لو إن جروحنا تحكي المواجع
رحمنا عاذلٍ قاسي علينا
ليامن ضاقت الدنيا ذرفنا
دموعٍ تشتكي جور السنينا
تشرهنا وعاتبنا ولكن
غلاهم ما يهد اللي بنينا
نلاحي الورق يوم الورق غنى
على لحن المفارق والحنينا
وكم من ليلةٍ فيها سهرنا
وحق الله ما عنهم سلينا
نراعي النجم لين الصبح يشرق
غفوا سالين وحنا ما غفينا
خذوها كلمةٍ وإحنا كفوها
ولو طال النوى يا مبعدينا
زرعنا ودكم بين الضماير
ولا غير الوفا منه جنينا
حصاده طيب ونبعه ود صافي
سقى ريضاننا لين ارتوينا
بنصبر لو حبال الصبر طالت
الين الشوق يجبركم علينا

انكسارات النخيل(ظبية المهندي)



الموضوع الأصلي : نلاحي الورق     |     المصدر : منتديات هاجس قطر     |     الكاتب : انكسارات النخيل
منتديات هاجس قطر ، www.hajs-qtr.com/vb ، http://www.hajs-qtr.com/

ليست هناك تعليقات:

إرسال تعليق