الحزن .. كنه واحد مـن اخوانـي
مبطي وانـا ويـاه ربـع ورفقـه
من صغر سنّي .. للكبـر خآوانـي
ولا غاب تآخذنـي عليـه الشفقـه
مثله مثـل مـن بالهـوا عنّآنـي
اقفا .. واقفت غيمتـه مـع برقـه
مدري انا المجني او اللـي جآنـي
مدري جنون الحب .. والا الطفقـه
بالقلـب زادت غيبـتـه نيـرانـي
والله يعيـن عروقـه المحتـرقـه
الليل يمضـي والسهـر عنوانـي
وصرت اسرق النومه لعيني سرقه
عاشق / واحب / ومغرم / وهيماني
والشوووق زوّد داخلي من عشقـه
ان جيت اجيـه بلهفـه وولهانـي
وان رحت رحت وبي عليه الحرقـه
متـى علـى الله تنجلـي احزانـي
والشعر وقت الضيق نطرق طرقـه
بـس الاكيـد الحـزن ماخـلانـي
قربـه ذبحنـي والمفـارق وهقـه
الحزن حسبة واحد مـن اخوانـي
دايـم وانـا ويـاه ربـع ورفقـه
* طلال محسن
ليست هناك تعليقات:
إرسال تعليق