( الشقاوي) يا جماعه ويش طبّه ..؟
كل يوم يجر لحنه من همومه
من سبايب جرح قلبه / والمحبه
شانت علومه . . ولا زانت علومه
يا بوّ ناصر و الغلاهذا مصبه
خافق ٍ لاحب تكفى لا تلومه .،
حب عاش بـ (خافقي) وشلون اكبه ..؟
وليلي اليا جاب ذكره كيف انومه ..؟
كيف الم الشمع في لحظه واشبه ..؟
وكيف احصل مرقب ٍ عالي واحومه ..؟
لا تعاتبني .. ليا من رحت دربه
خابر قلوب الهواويه [ رحوومه ]
ويومي العن ( يومه الاغبر ) واسبه
من قهر ولا قسسم يا ( حلو يومه )
اعشقه جدا وابي قربه واحبه
لو يجرعني من غيابه سمومه !!
اترك اللي قلت كله واخذ (( لبـه ))
[ بنطره لو غاب واترقّب قدومه ]
* عبدالله الحيلان
ليست هناك تعليقات:
إرسال تعليق